isquare金殿海景宴會廳

今日我們一家人相約在尖沙咀吃晚飯 , 

一行七人外還加上相公的堂妹兩夫婦共九人 , 

浩浩蕩蕩去到 isquare  26 樓金殿海景宴會廳 .

我們被安排坐近門口大堂附近 , 

望望周圍環境裝修佈置有點國內 feel .

侄女婿一眼便看到餐牌剛好是八位套餐 , 

再問下 62 有沒有意見 , 他竟然非常讚好 , 

呵呵 ! 睇真啲原來有一味係京滬干燒大虎蝦 , 62 的至愛哩 !

京都片皮鴨 + 薄餅
我本來唔食鴨0既 , 但今日咁高興都試食一件鴨皮 , 
侍應刀工真係犀利 , 每件鴨皮大至上都係冇肉0既 , 
皮唔係幾脆再試食件薄餅很煙韌 , 非常麻麻 . 

燒鴨皮片得非常薄 , 丁丁啲啲肉都冇0架 .

十大以小為尊 , 小朋友梗係第一個食先喇 .

吃得好滋味啊 ! 

原來可人兒的晚飯時間早已過了很久 , 她很肚餓了 , 

她真係好乖 , 肚餓都唔會扭計 , 衹是冇喱表情靜靜地呆坐著 . 

西蘭花百合海班球

味道唔錯 , 魚肉爽口有鮮味 .

古法濃湯雲吞雞 

我食唔出同普通雲吞雞有乜分別 , 但衹覺得這樣上菜好奇怪 ,

湯 + 雲吞和一片菜送到各人面前 , 好似飲例湯一樣 , 

雞件另外用碟上 , 咁樣啲雞會好乾又嚡 , 根本引唔起食慾 , 

隻雲吞稔席席 , 唔係幾好食 .

可人兒聚精會神學大人食嘢  .

我覺得最好味係這味南非一口鮑魚鑲白玉 

鮑魚雖細但口感非常好, 有點似乾鮑魚有得啃啃下, 又唔太韌 .

下面白玉係玉子豆腐很滑但冇豆香味 .

哈哈 , 食食下又搽唇膏 .

干煸野菌海班頭腩

班腩很多短短的骨仔 , 要好小心食 , 味道都幾鹹 .

我唔食蝦0既 , 所以事後問 62 和相公味道如何 , 

我諗佢地兩人都係嗰句 " 好食吖 ! 

點知估錯咗 , 他們倆人異口同聲話唔係幾好食 , 

冇乜蝦味死實實又冇挑腸 .

高湯浸田園雙蔬

中間係溫室豆苗 , 老嫩不一要花上好多時間啃 , 唔多受歡迎 .

食完飯又搽下唇膏先 .

菜片桂林炒鴨崧

真係好佩服寫菜譜的人 , 好多特別名稱都難唔到佢地 . 

因為我唔食鴨衹好用眼睇 , 碟中鴨菘寥寥沒有幾多粒 , 

配料就非常多 , 桂林 = 馬蹄 , 豆干還有一些不知名的粒粒 .

果粒素肉崧炒飯

炒飯裡深色粒粒我以為係牛肉粒粒 , 好彩菜牌寫上素肉崧

我便可以放心食了 , 我覺得碟飯好鹹好乾 .

甜品糖水兩款 , 紅豆沙或合桃糊

紅豆沙很多時都有得食 , 我選擇合桃糊 , 

完全食唔出合桃的味來 , 唔合格 .

哈哈 ! 呢兩件精緻餅餅係唔包入套餐裡面的 , 

而係可人兒太可愛 , 引得侍應大叔私人醒兩件比可人兒食0既

但可人兒唔食 , 而其他座上各位都唔鍾意食甜點 , 

哈哈 ............ 啱哂我嘞 , 兩件都係我食哂 ,

噢 ! 超飽 !

食完飯各自歸家了 , 可人兒又嚟多多表情 , 

同佢講扮 cute cute , 哈哈 , 她立刻就變得幾嬌俏 .

拜拜 lu , 下次見 !